பெர்லின்:
லெனோவோ நிறுவனத்தின் மோட்டோ பிரான்டு பெர்லின் நகரில் நடைபெற்று வரும் IFA 2017 விழாவில் தனது புதிய மோட்டோ X ஸ்மார்ட்போனினை அறிமுகம் செய்துள்ளது.
புதிய மோட்டோ X ஸ்மார்ட்போனில் 5.2 இன்ச் 1080 பிக்சல் ஸ்கிரீன், ஆக்டாகோர் ஸ்னாப்டிராகன் 630 பிராசஸர், ஆண்ட்ராய்டு 7.1 நௌக்கட் இயங்குதளம், கூகுள் அசிஸ்டண்ட் மற்றும் அமேசான் அலெக்சா சேவைகளை சப்போர்ட் செய்யும் என அறிவிக்கப்பட்டுள்ளது.
புகைப்படங்களை எடுக்க 12 எம்பி + 8 எம்பி பிரைமரி கேமரா, 16 எம்பி செல்ஃபி கேமரா வழங்கப்பட்டுள்ளது. இத்துடன் புகைப்படங்களை அழகாக்க பல்வேறு அம்சங்களும் வழங்கப்பட்டுள்ளன.
மோட்டோ X4 சிறப்பம்சங்கள்:
- 5.2 இன்ச் 1920x1080 பிக்சல் ஃபுல் எச்டி LTPS IPS டிஸ்ப்ளே
- கார்னிங் கொரில்லா கிளாஸ்
- 2.2 ஜிகாஹெர்ட்ஸ் ஆக்டாகோர் ஸ்னாப்டிராகன் 630 பிராசஸர்
- அட்ரினோ 508 GPU
- 3 ஜிபி ரேம், 32 ஜிபி மெமரி
- 4 ஜிபி ரேம், 64 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 7.1 நௌக்கட்
- சிங்கிள் / டூயல் சிம்
- 12 எம்பி பிரைமரி கேமரா, PDAF, f/2.0 அப்ரேச்சர், 1.4um பிக்சல்
- 8 எம்பி அல்ட்ரா வைடு பிரைமரி கேமரா, f/2.2 அப்ரேச்சர், 1.12um பிக்சல்
- 16 எம்பி செல்ஃபி கேமரா, எல்இடி பிளாஷ், f/2.0 அப்ரேச்சர், 1um பிக்சல்
- வாட்டர் மற்றும் டஸ்ட் ரெசிஸ்டண்ட் (IP68)
- கைரேகை ஸ்கேனர்
- 3.5 எம்எம் ஆடியோ ஜாக்
- 4 ஜி வோல்ட்இ, வைபை, ப்ளூடூத் 5.0, யு.எஸ்.பி. டைப்-சி
- 3000 எம்ஏஎச் பேட்டரி, டர்போ சார்ஜிங்
புதிய மோட்டோ X4 ஸ்மார்ட்போனில் IP68 தரச்சான்று பெற்ற வாட்டர் ரெசிஸ்டண்ட் வசதி, 3D ரியர் கான்டர் வடிவமைப்பு, அனடைஸ் செய்யப்பட்ட அலுமினியம் ஃபிரேம் மற்றும் போனின் முன்பக்கம் மற்றும் பின்புறத்தில் கார்னிங் கொரில்லா கிளாஸ் கொண்டு பாதுகாக்கப்பட்டுள்ளது. இத்துடன் ஹோம் பட்டனில் கைரேகை ஸ்கேனர், ஒன்-பட்டன் நேவிகேஷன் உள்ளிட்ட வசதிகள் வழங்கப்பட்டுள்ளது.
மேலும் 3000 எம்ஏஎச் பேட்டரி மூலம் சக்தியூட்டப்படும் மோட்டோ X4 டர்போ சார்ஜிங் வசதி கொண்டிருப்பதால் 15 நிமிடம் சார்ஜ் செய்து ஆறு மணி நேரம் வரை பயன்படுத்த முடியும். சூப்பர் பிளாக் மற்றும் ஸ்டீரிங் புளூ நிறங்களில் கிடைக்கும் மோட்டோ X4 விலை 399 யூரோ அதாவது இந்திய மதிப்பில் ரூ.30,375 என நிர்ணயம் செய்யப்பட்டுள்ளது. ஐரோப்பாவில் செப்டம்பர் மாதம் விநியோகம் செய்யப்படும் நிலையில் இதைத் தொடர்ந்து மற்ற சந்தைகளில் வெளியிடப்படலாம்.