லண்டன்:
உலகக்கோப்பை கிரிக்கெட் போட்டிக்கான ஆப்கானிஸ்தான் அணியில் விக்கெட் கீப்பராக இருப்பவர் முகமது ஷேசாத் . கீப்பிங் பணியை திறம்பட செய்வதுடன் தேவையான நேரங்களில் அதிரடி பேட்டிங்கை வெளிப்படுத்தி வரும் அதிரடி பேட்ஸ்மேனும் கூட.
இந்நிலையில், ஆப்கானிஸ்தான் அணியில் இடம் பெற்றிருந்த விக்கெட் கீப்பரான முகமது ஷேசாத் பயிற்சி ஆட்டத்தின் போது கால்முட்டியில் காயமடைந்தார். அதன் பிறகு ஆஸ்திரேலியா, இலங்கைக்கு எதிரான ஆட்டங்களில் ஆடிய போது காயத்தன்மை அதிகமாகி விட்டது.
இதையடுத்து உலக கோப்பை கிரிக்கெட் தொடரில் இருந்து ஷேசாத் விலகியுள்ளார். ‘ஆப்கானிஸ்தான் அணியின் டோனி’ என்று அழைக்கப்படும் 32 வயதான ஷேசாத் 84 ஒரு நாள் போட்டிகளில் பங்கேற்று 6 சதம் உள்பட 2,727 ரன்கள் எடுத்துள்ளார்.
காயத்தால் போட்டியில் இருந்து வெளியேறிய முகமது ஷேசாத்துக்கு பதிலாக, இக்ரம் அலி என்ற விக்கெட் கீப்பர் அந்த அணியில் சேர்க்கப்பட்டுள்ளார்.