பந்து வேகப்பந்து வீச்சுக்கு சாதகமாக இருக்க இஷாந்த் சர்மா, முகமது ஷமி, உமேஷ் யாதவ் அபாரமாக பந்து வீசினர். முகமது ஷமி பவுன்சர் பந்தால் வங்காளதேச பேட்ஸ்மேன்களை மிரட்டினார்.
20-வது ஓவரை ஷமி வீசினார். இந்த ஓவரின் 3-வது பந்தை பவுன்சராக வீசினார். பந்து கண்ணிமைக்கும் நேரத்திற்குள் லிட்டன் தாஸின் ஹெல்மெட்டை தாக்கியது. இதனால் லிட்டன் தாஸ் நிலைகுலைந்தார்.
வங்காளதேச அணி மருத்துவர் விரைந்து முதலுதவி அளித்தார். அதனால் தொடர்ந்து பேட்டிங் செய்தார். அடுத்த பந்தை பவுண்டரிக்கு விரட்டினார். ஆனால் அடுத்த ஓவரில் இஷாந்த் சர்மா பந்தை சந்திக்கும்போது, 4-வது பந்திற்குப் பிறகு பேட்டிங் செய்ய இயலவில்லை என்று வெளியேறினாார். இதனால் அவருக்குப் பதிலாக மாற்றும் வீரர் மெஹிதி ஹசன் சேர்க்கப்பட்டார்.
அதன்பின் 23-வது ஓவரை ஷமி வீசினார். இந்த ஓவரின் முதல் பந்து அதேபோல் நயீம் ஹசன் ஹெல்மெட்டை தாக்கியது. முதலுவதிக்குப் பிறகு நயீம் ஹசன் தொடர்ந்து பேட்டிங் செய்தார்.