புதுடெல்லி:
இந்திய ஸ்மார்ட்போன் நிறுவனமான கார்பன் பட்ஜெட் விலையில் புதிய ஸ்மார்ட்போனினை வெளியிட்டுள்ளது. கடந்த ஆண்டு வெளியிடப்பட்ட ஔரா நோட் 4ஜி ஸ்மார்ட்போனின் மேம்படுத்தப்பட்ட மாடலாக வெளியாகியுள்ள ஔரா நோட் 2 ஸ்மார்ட்போன் 5.5 இன்ச் எச்டி டிஸ்ப்ளே, 1.25 ஜிகாஹெர்ட்ஸ் குவாட்-கோர் பிராசஸர் மற்றும் ஆண்ட்ராய்டு 7.0 நௌக்கட் இயங்குதளம் கொண்டுள்ளது.
புதிய கார்பன் ஔரா நோட் 2 ஸ்மார்ட்போனுடன் ஃபேஷன் செயலி இன்ஸ்டால் செய்யப்பட்டுள்ளது. செயற்கை நுண்ணறிவு என்ஜின் கொண்டு வேலை செய்யும் செயலி புகைப்படங்களில் உள்ள ஆடைகளை தேட முடியும். இத்துடன் வீடியோ சர்ச் ஆப்ஷனும் வழங்கப்பட்டுள்ளது.
கார்பன் ஔரா நோட் 2 சிறப்பம்சங்கள்:
* 5.5 இன்ச் 1280x720 பிக்சல் எச்டி டிஸ்ப்ளே
* 1.25 ஜிகாஹெர்ட்ஸ் குவாட்-கோர் பிராசஸர்
* 2 ஜிபி ரேம்
* 16 ஜிபி இன்டெர்னல் மெமரி
* ஆண்ட்ராய்டு 7.0 நௌக்கட்
* டூயல் சிம் ஸ்லாட்
* 13 எம்பி பிரைமரி கேமரா, எல்இடி பிளாஷ்
* 5 எம்பி செல்ஃபி கேமரா
* 3.5 எம்எம் ஆடியோ ஜாக், எஃப்எம் ரேடியோ
* 4ஜி வோல்ட்இ, வைபை, ப்ளூடூத் 4.0
* 2900 எம்ஏஎச் பேட்டரி
* மெமரியை கூடுதலாக நீட்டிக்கும் வசதி
கார்பன் ஔரா நோட் 2 காஃபீஃஷேம்பெயின், பிளாக்-ஷேம்பெின் மற்றும் ஷேம்பெயின் நிறங்களில் கிடைக்கிறது. இந்தியாவில் கார்பன் ஔரா நோட் 2 விலை ரூ.6,490 என நிர்ணயம் செய்யப்பட்டுள்ளது.