ஜார்க்கண்ட் மாநிலம் ராஞ்சியில் பழங்குடியின மக்களுக்கான பிரமாண்ட திருமண நிகழ்ச்சி அரசு சார்பில் நடைபெற்றது. இந்த விழாவில் 350-க்கும் மேற்பட்ட பழங்குடியின பெண்களுக்கு திருமணம் நடைபெற்றது. விழாவில் முதலமைச்சர் ரகுபர் தாஸ் தலைமை விருந்தினராக கலந்துகொண்டு மணமக்களை வாழ்த்தினார்.
திருமணம் முடிந்ததும் விழா மேடையில் இருந்து கீழே இறங்கிய ரகுபர் தாஸ், உற்சாக மிகுதியில் பழங்குடியின மக்களுடன் இணைந்து நடனமாடினார். பெண்களுடன் கைகோர்த்து அவர் ஆடியதைப் பார்த்த பொதுமக்கள், கைதட்டி ஆரவாரம் செய்தனர்.
மக்களோடு மக்களாகக் கலந்து முதலமைச்சர் இவ்வாறு நடனம் ஆடியதை வீடியோவாக எடுத்து சமூக வலைத்தளங்களில் வெளியிட்டுள்ளனர். இந்த வீடியோ வைரலாகப் பரவி வருகிறது. #JharkhandCMDance