ஐந்து போட்டிகள் கொண்ட ஹாக்கி தொடரில் விளையாடுவதற்காக இந்திய பெண்கள் ஹாக்கி அணி தென்ஆப்பிரிக்கா சென்றுள்ளது.
இன்று முதல் போட்டி நடைபெற்றது. இதில் இந்திய அணி 1-0 என வெற்றி பெற்று, தொடரை வெற்றியோடு துவக்கியுள்ளது. இந்த போட்டி இந்திய அணி கேப்டன் ராணி ராம்பாலுக்கு 200-வது போட்டியாகும். 200-வது போட்டியில் இந்தியா வெற்றி பெற்றதால், ராணி ராம்பால் மகிழ்ச்சி அடைந்துள்ளார்.
ஆட்டம் தொடங்கிய ஐந்தாவது நிமிடத்திலேயே லால்ரேம்சியாமி கோல் அடித்தார். அதன்பின் இருநாட்டு வீராங்கனைகளும் கோல் அடிக்கவில்லை. இந்திய கோல் கீப்பர் சவிதா புனிதா சிறப்பாக விளையாடினார்.