ஹாக்கி உலக லீக் அரையிறுதி தொடர் இங்கிலாந்தில் உள்ள லண்டனில் நடைபெற்று வருகிறது. இந்திய அணி அரையிறுதி வாய்ப்பை இழந்து 5 முதல் 8-வது வரையிலான இடத்திற்கான போட்டியில் பாகிஸ்தானை எதிர்கொண்டது. இதில் இந்தியா வெற்றி பெற்றது.
இன்று 5-வது அல்லது 6-வது இடத்திற்கான போட்டியில் இந்தியா, கனடாவை எதிர்கொண்டது. இதில் இந்தியா 2-3 என அதிர்ச்சி தோல்வியடைந்து 6-வது இடத்தை பிடித்தது. கனடா வீரர் கோர்டன் ஜான்ஸ்டன் 3-வது மற்றும் 44-வது நிமிடத்திலும் கோல் அடித்தார். கீஜான் பெரைரா 40-வது நிமிடத்தில் கோல் அடித்தார்.
இந்திய அணி சார்பில் ஹர்மன்ப்ரீத் சிங் 7-வது நிமிடத்திலும், 44-வது நிமிடத்திலும் கோல் அடித்தார். இந்திய அணி காலிறுதியில் தன்னை விட தரவரிசையில் பின்தங்கிய மலேசியாவிடம் தோல்வியடைந்தது. தற்போது கனடாவிடம் தோல்வியடைந்துள்ளது.
இந்த வெற்றியின் மூலம் கனடா அணி அடுத்த வருடம் இந்தியாவில் நடைபெற இருக்கும் உலகக்கோப்பை தொடருக்கும் தகுதி பெற்றுள்ளது.