இதில் முன்னணி பேட்ஸ்மேன் ஆன பாபர் ஆசம் 109 ரன்கள் சேர்த்தார். இதனால் 11 இடங்கள் முன்னேறி முதல் இடத்தை பிடித்துள்ளார். பாபர் ஆசம் 786 புள்ளிகளுடன் முதல் இடத்தில் உள்ளார். ஆஸ்திரேலிய வீரர் ஆரோன் பிஞ்ச் 784 புள்ளிகளுடன் 2-வது இடத்திற்கும், இந்திய கேப்டன் விராட் கோலி 776 புள்ளிகளுடன் 3-வது இடத்திற்கும் பின்தங்கியுள்ளனர்.
தொடரைக் கைப்பற்றியதன் மூலம் 126 புள்ளிகளுடன் பாகிஸ்தான் முதல் இடத்தை பிடித்துள்ளது. 123 புள்ளிகளுடன் நியூசிலாந்து 2-வது இடத்தையும், 121 புள்ளிகளுடன் இந்தியா 3-வது இடத்தையும் பிடித்துள்ளது.
பந்து வீச்சாளர்கள் தரவரிசையில் நியூசிலாந்து சுழற்பந்து வீச்சாளர் மிட்செல் சான்ட்னெர் 718 புள்ளிகளுடன் முதன்முறையாக முதல் இடத்தை பிடித்துள்ளார். ஆப்கானிஸ்தான் வீரர் ரஷித் கான் 717 புள்ளிகளுடன் 2-வது இடத்திலும், இஷ் சோதி 712 புள்ளிகளுடன் 3-வது இடத்திலும் உள்ளனர். இந்திய வேகப்பந்து வீச்சாளர் பும்ரா 702 புள்ளிகளுடன் 4-வது இடத்தில் உள்ளார்.