இந்தியாவை சேர்ந்த இஸ்லாமியர்கள் ஆண்டுதோறும் ஹஜ் புனித பயணம் மேற்கொண்டு வருகின்றனர். அவர்களை மத்திய அரசு ஹஜ் கமிட்டி மூலமாக ஹஜ் அழைத்து சென்று வருகிறது.
இதுகுறித்து மத்திய சிறுபான்மையினர் நலத்துறை மந்திரி முக்தார் அப்பாஸ் நக்வி நிருபர்களிடம் கூறியதாவது:-
இந்த ஆண்டில் ஹஜ் புனித பயணம் மேற்கொள்ள சுமார் 2 லட்சத்து 67 ஆயிரம் பேர் விண்ணப்பித்து இருந்தனர். இதில் 2 லட்சம் பேரின் விண்ணப்பங்கள் ஏற்றுக்கொள்ளப்பட்டு உள்ளன.
இதில் 1 லட்சத்து 23 ஆயிரம் பேர் ஹஜ் கமிட்டி மூலமாகவும், மற்றவர்கள் ஹஜ் பயண ஏற்பாட்டாளர்கள் மூலமாகவும் செல்ல உள்ளனர். இதேபோல மும்பையில் இருந்து மட்டும் சுமார் 20 ஆயிரம் பேர் ஹஜ் பயணம் மேற்கொள்ள உள்ளனர்.
இதேபோல 2 ஆயிரத்து 100 பெண்கள் ஆண் துணையின்றி ஹஜ் பயணம் செய்ய உள்ளனர்.
இவ்வாறு அவர் கூறினார்.