அதன்படி நியூசிலாந்து அணியின் ஜீத் ராவல், டாம் லாதம் ஆகியோர் தொடக்க வீரர்களாக களம் இறங்கினர். இருவரும் நிதானமாக ஆட்டத்தை வெளிப்படுத்தினர். என்றாலும் இலங்கை சுழற்பந்து வீச்சாளரான அகிலா தனஞ்ஜெயா இந்த ஜோடியை பிரித்தார். நியூசிலாந்து அணி 64 ரன்கள் எடுத்திருந்த போது டாம் லாதம் 30 ரன்னில் ஆட்டமிழந்தார். அடுத்து வந்த கேன் வில்லியம்சனை ரன்ஏதும் எடுக்காமல், ராவலை 33 ரன்னிலும் அடுத்தடுத்து தனஞ்ஜெயா வெளியேற்றினார்.
இதனால் 71 ரன்கள் எடுப்பதற்குள் 3 விக்கெட்டுக்களை இழந்தது. 4-வது விக்கெட்டுக்கு ராஸ் டெய்லருடன் ஹென்ரி நிக்கோல்ஸ் ஜோடி சேர்ந்தார். இந்த ஜோடி அணியை சரிவில் இருந்து மீட்டது.
ராஸ் டெய்லர் அரைசதம் அடித்த நிலையில், நிக்கோல்ஸ் 42 ரன்கள் எடுத்து ஆட்டமிழந்தார். ராஸ் டெய்லர் செஞ்சூரியை நோக்கி சென்று கொண்டிருந்தார்.