அதேவேளையில் கிரிக்கெட்டில் இங்கிலாந்து - ஆஸ்திரேலியா இடையிலான 5-வது மற்றும் கடைசி லீக் ஆட்டம் மான்செஸ்டரில் நடைபெற்றது. முதலில் பேட்டிங் செய்த ஆஸ்திரேலியா 205 ரன்னில் சுருண்டது.
பின்னர் 206 ரன்கள் எடுத்தால் வெற்றி என்ற இலக்குடன் இங்கிலாந்து களம் இறங்கியது. 114 ரன்களுக்குள் எட்டு விக்கெட்டுக்களை இழந்த இங்கிலாந்து, ஜோஸ் பட்லரின் அபார சதத்தால் ஒரு விக்கெட் வித்தியாசத்தில் அபார வெற்றி பெற்றது.
நேற்று பார்முலா 1 பந்தயத்தில் கனடா கிராண்ட் ப்ரிக்ஸ் நடைபெற்றது. இதில் மெர்சிடெஸ் பென்ஸ் அணியின் லெவிஸ் ஹாமில்டன் சாம்பியன் பட்டம் வென்றார். இவர் இங்கிலாந்து நாட்டைச் சேர்ந்தவர். கனடா கிராண்ட் ப்ரிக்ஸை வென்றதுடன் ஒட்டுமொத்தமாக இதுவரை நடைபெற்று முடிந்துள்ள போட்டிகளில் முதல் இடத்தை பிடித்துள்ளார்.