சந்தன கடத்தல் வீரப்பனின் அண்ணன் மீண்டும் சேலம் சிறையில் அடைப்பு

சேலம்:

சந்தன கடத்தல் வீரப்பனின் அண்ணன் மீசை மாதையன் (வயது73). ஆயுள் தண்டனை பெற்ற சேலம் மத்திய சிறையில் உள்ள டவர் பிளாக்கில் அடைக்கப்பட்டுள்ளார்.

வயது முதிர்வின் காரணமாக உடல் நலக்குறைவால் அடிக்கடி பாதிக்கப்பட்டு வந்தார். கடந்த ஜனவரி 9-ந் தேதி மாதையனுக்கு நெஞ்சுவலி ஏற்பட்டது.

இதையடுத்து சிறை அலுவலர்கள் அவரை சேலம் அரசு மருத்துவமனையில் சிகிச்சைக்கு அனுமதித்தனர். இந்த நிலையில், அவருக்கு உடல்நலம் சீரானதைத் தொடர்ந்து அவர் நேற்று முன்தினம் மருத்துவமனையில் இருந்து மீண்டும் சேலம் சிறைக்கு அழைத்து செல்லப்பட்டார்.