சுவாமிமலை:
கும்பகோணம் டாக்டர் மூர்த்தி ரோட்டில் அமைந்துள்ள ஜலசந்திர மகா மாரியம்மன் கோவில் உற்சவ பெருவிழா கடந்த 5ஆம் தேதி காப்பு கட்டுதலுடன் தொடங்கியது .அதனைத் தொடர்ந்து காவேரி ஆற்றங்கரையில் இருந்து அக்னிகொப்பரை, சக்தி கரகம், பால்குடம், அலகு காவடி புறப்பட்டு வானவேடிக்கையுடன் வீதி உலா காட்சிகள் நடைபெற்றது.
இதையடுத்து அம்பாளுக்கு கஞ்சி வார்த்தல் நிகழ்ச்சி நடைபெற்றது. நேற்று மாலை நாதஸ்வர கச்சேரியுடன் வான வேடிக்கை முழங்க ஜலசந்திர மகா மாரியம்மன் வீதி உலா நடைபெற்றது. பின்னர் மஞ்சள் நீராட்டு விழா நடைபெற்றது. விழாவுக்கான ஏற்பாடுகளை கும்பகோணம் டாக்டர் மூர்த்தி ரோடு தெருவாசிகள், பஞ்சாயத்தார்கள் செய்திருந்தனர்.
