இங்கிலாந்து - நியூசிலாந்து இடையிலான உலகக்கோப்பை இறுதிப் போட்டி லண்டன் லார்ட்ஸ் மைதானத்தில் நடைபெற்று வருகிறது. முதலில் பேட்டிங் செய்த நியூசிலாந்து 241 ரன்கள் சேர்த்தது.
பின்னர் 242 ரன்கள் அடித்தால் வெற்றி என்ற இலக்குடன் இங்கிலாந்து களம் இறங்கியது. நியூசிலாந்து வீரர்களின் நேர்த்தியான பந்து வீச்சை எதிர்த்து இங்கிலாந்து பேட்ஸ்மேன்கள் ரன்கள் அடிக்க திணறினர். ஜேசன் ராய் 17 ரன்னிலும், ஜோ ரூட் 7 ரன்னிலும் அடுத்தடுத்து ஆட்டமிழந்தனர்.
ஓரளவிற்கு தாக்குப்பிடித்து விளையாடிய பேர்ஸ்டோவ் 36 ரன்களில் ஆட்டமிழந்தார். கேப்டன் மோர்கன் 9 ரன்னில் ஏமாற்றம் அடைந்தார். இதனால் இங்கிலாந்து 23.1 ஓவரில் 86 ரன்கள் சேர்ப்பதற்குள் நான்கு விக்கெட்டுக்களை இழந்தது திணறி வருகிறது. தற்போது ஜோஸ் பட்லர், பென் ஸ்டோக்ஸ் ஆகியோர் விளையாடி வருகிறார்கள்.