ஆஸ்திரேலியாவில் பிக் பாஷ் டி20 லீக் தொடர் நடைபெற்று வருகிறது. சிட்னியில் நடைபெற்ற ஆட்டத்தில் பிரிஸ்பேன் ஹீட் - சிட்னி சிக்சர்ஸ் அணிகள் அணிகள் மோதின.
சிட்னி சிக்சர்ஸ் டாஸ் வென்று பந்து வீச்சை தேர்வு செய்தது. அதன்படி பிரிஸ்பேன் அணியின் ஹீஜ்லெட், பிரியன்ட் தொடக்க வீரர்களாக களம் இறங்கினர். பிரியன்ட் 1 ரன்னில் ஆட்டமிழந்தார்.
அடுத்து கிறிஸ் லின் களம் இறங்கினார். அவர் தொடக்கம் முதலே அதிரடி ஆட்டத்தை வெளிப்படுத்தினார். இதனால் ரன் விகிதம் ஜெட் வேகத்தில் உயர்ந்தது.
20 பந்தில் 3 பவுண்டரி, 5 சிக்சருடன் அரைசதம் அடித்து சதம் நோக்கி முன்னேறினார். ஆனால் 35 பந்தில் 94 ரன்கள் எடுத்த நிலையில் ஆட்டமிழந்தார். இதில் 4 பவுண்டரி, 11 சிக்சர்கள் அடங்கும்.
ஐபிஎல் ஏலத்தில் கொல்கத்தா நைட் ரைடர்ஸ் அணியால் விடுவிக்கப்பட்ட கிறிஸ் லின்னை அடிப்படை விலையான ரூ.2 கோடிக்கு ஏலம் எடுத்தது. கிறிஸ் லின் அதிரடியாக விளையாடி வருவது மும்பை இந்தியன்ஸ் அணிக்கு மகிழ்ச்சியை கொடுத்துள்ளது.