புதுடெல்லி:
இந்திய பெண்கள் கிரிக்கெட் அணியின் முன்னாள் கேப்டனும், தற்போதைய கிரிக்கெட் வாரியத்தின் நிர்வாக கமிட்டி உறுப்பினருமான 62 வயதான டயானா எடுல்ஜிக்கு, வாழ்நாள் சாதனையாளர் விருது வழங்க இந்திய கிரிக்கெட் வாரியத்திற்கு அதன் 3 பேர் கொண்ட குழு நேற்று பரிந்துரை செய்தது.
ஆனால் இந்த விருதை ஏற்க எடுல்ஜி மறுத்து விட்டார். ‘சுப்ரீம் கோர்ட்டின் உத்தரவின்படி அமைக்கப்பட்ட கிரிக்கெட் வாரிய கமிட்டியில் உறுப்பினராக இருக்கிறேன். இப்போது அதை ஏற்பது சரியாக இருக்காது’ என்று கூறி நிராகரித்துள்ளார்.