முத்தரப்பு ஒருநாள் கிரிக்கெட்: ஜிம்பாப்வேயை எளிதில் வீழ்த்தியது வங்காள தேசம்

டாக்காவில் நடைபெற்ற முதல் ஆட்டத்தில் வங்காள தேசம் - ஜிம்பாப்வே அணிகள் மோதின. டாஸ் வென்ற வங்காள தேசம் பீல்டிங் தேர்வு செய்தது.

தொடக்க வீரர்களாக மசகட்சா, மிர் ஆகியோர் களம் இறங்கினார்கள். முதல் ஓவரை சாஹிப் அல் ஹசன் வீசினார். இந்த ஓவரில் மிர் மற்றும் எர்வின் ரன் கணக்கை துவக்காமல் ஆட்டமிழந்தனர்.

5-வது வீரராக களம் இறங்கிய சிகந்தர் ராசா 52 ரன்னும், விக்கெட் கீப்பர் டெய்லர் 24 ரன்னும், மூர் 33 ரன்களும் எடுக்க ஜிம்பாப்வே 49 ஓவரில் 170 ரன்கள் எடுத்து ஆல்அவுட் ஆனது. வங்காள தேச அணியில் சாஹிப் அல் ஹசன் 3 விக்கெட்டும், முஷ்டாபிஜூர் ரஹ்மான், ருபெல் ஹொசைன் தலா 2 விக்கெட்டும் வீழ்த்தினார்கள்.