பின்னர் வங்காளதேசம் முதல் இன்னிங்சை தொடங்கியது. நேற்றைய 2-வது நாள் ஆட்ட முடிவில் வங்காளதேசம் 3 விக்கெட் இழப்பிற்கு 240 ரன்கள் எடுத்திருந்தது. மொமினுல் ஹக் 79 ரன்களுடனும், முஷ்பிகுர் ரஹிம் 32 ரன்களுடனும் களத்தில் இருந்தனர்.
இன்று 3-வது நாள் ஆட்டம் தொடங்கியது. மொமினுல் ஹக், முஷ்பிகுர் ரஹிம் ஆகியோர் சிறப்பான ஆட்டத்தை வெளிப்படுத்தினர். இருவரும் சதம் விளாசினர். மொமினுல் ஹக் 132 ரன்கள் எடுத்த நிலையில் ஆட்டமிழந்தார். ஆனால் முஷ்பிகுர் ரஹிம் சதத்தை இரட்டை சதமாக மாற்றினார்.
