ஒருநாள் மற்றும் டி20 போட்டிகளில் சிறப்பாக விளையாடும் பாபர் ஆசம், பாகிஸ்தான் அணியின் விராட் கோலி என அழைக்கப்படுகிறார்.
கடந்த வாரம் பாகிஸ்தான் - உலக லெவன் அணிகளுக்கு இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்றது. இதில் பாபர் ஆசம் 86, 45 மற்றும் 48 ரன்கள் என மொத்தம் 179 ரன்கள் குவித்தார். சராசரி 60 ஆகும்.
இந்த தொடரில் சிறப்பாக பேட்டிங் செய்ததன் மூலம் ஐ.சி.சி.யின் டி20 பேட்ஸ்மேன் தரவரிசையில் 21 இடங்கள் முன்னேறி முதன்முறையாக 6-வது இடத்தை பிடித்து அசத்தியுள்ளார். 3-வது போட்டியில் 89 ரன்கள் சேர்த்த அகமது ஷேசாத் 22-வது இடத்திற்கு முன்னேறியுள்ளார். உலக லெவன் அணியில் விளையாடிய ஹசிம் அம்லா 3 இடங்கள் முன்னேறி 12-வது இடத்தை பிடித்துள்ளார்.