வாய்ப்பை தவறவிட்ட பாகிஸ்தான்: பிரிஸ்பேன் டெஸ்டில் 240 ரன்னில் சுருண்டது

ஆஸ்திரேலியா - பாகிஸ்தான் அணிகளுக்கு இடையிலான முதல் டெஸ்ட் பிரிஸ்பேனில் இன்று தொடங்கியது. டாஸ் வென்ற பாகிஸ்தான் பேட்டிங் தேர்வு செய்தது. பாகிஸ்தான் அணியில் 16 வயதே ஆன இளம் வேகப்பந்து வீச்சாளர் நசீம் ஷா அறிமுகம் ஆனார்.

அந்த அணியில் ஆசாத் ஷபிக், பாபர் அசாம் போன்றோர் உள்ளதால் அதிக அளவில் ரன்கள் குவிக்கும் என எதிர்பார்க்கப்பட்டது. ஆனால் உணவு இடைவேளை முடிந்து ஆட்டம் தொடங்கியதும் ஆஸ்திரேலியா பந்து வீச்சாளர்கள் ஆதிக்கம் செலுத்தினர்.

ஆஸ்திரேலியாவின் பந்து வீச்சை தாக்குப்பிடித்து ஆசாத் ஷபிக் அரைசதம் அடிக்க பாகிஸ்தான் ஸ்கோர் 200 ரன்னை தாண்டியது. ஷபிக் 76 ரன்கள் எடுத்த நிலையில் ஆட்டமிழந்தார்.