ஆஸ்திரேலியா ஒபன் டென்னிஸ் ஆண்கள் ஒற்றையர் பிரிவு அரையிறுதி ஆட்டம் ரஷியாவின் டேனில் மெட்வதேவ், கிரீஸ் நாட்டின் ஸ்டெபனோஸ் சிட்சிபாஸ்-ஐ எதிர்கொண்டார்.
மெட்வதேவ் தரவரிசையில் 4-வது இடத்திலும், சிட்சிபாஸ் 5-வது இடத்திலும் இருந்ததால் போட்டி விறுவிறுப்பாக இருக்கும் என எதிர்பார்க்கப்பட்டது. ஆனால், மெட்வதேவ் ஆட்டத்திற்கு சிட்சிபாஸால் ஈடுகொடுக்க முடியவில்லை.
இதனால் மெட்வதேவ் 6-4, 6-2, 7-5 என நேர்செட் கணக்கில் வெற்றி பெற்று இறுதிப் போட்டிக்கு முன்னேறினார். இறுதிப் போட்டியில் மெட்வதேவ் நம்பர் ஒன் வீரரான செர்பியாவின் நோவக் ஜோகோவிச்சை எதிர்கொள்கிறார்.