நில ஆவணங்களுக்கு ஆதார் எண் கட்டாயம்: மத்திய அரசு சுற்றறிக்கை

மத்திய அரசு ஆதார் எண்ணை பல்வேறு திட்டங்களுக்கு கட்டாயமாக்கி வருகிறது.

வருமானவரி கணக்கு தாக்கல் செய்வதற்கும், பான் அட்டை பெறுவதற்கும் ஜூலை 1-ந்தேதி முதல் ஆதார் கட்டாயமாக்கப்பட்டுள்ளது. அதை தொடர்ந்து வங்கி கணக்குகளுக்கும் கட்டாயமாக்கப்பட்டுள்ளது.

இந்த நிலையில் நில ஆவணங்களுடன் ஆதார் எண்ணை இணைக்க வேண்டும் என்று மத்திய அரசு அனைத்து மாநில தலைமை செயலாளர்களுக்கும் சுற்றறிக்கை அனுப்பி உள்ளது.

1950-ம் ஆண்டு முதல் பதிவு செய்யப்பட்ட எந்த ஒரு நில ஆவணத்தையும் அது விவசாய நிலம் அல்லது விவசாய பயன்பாடு இல்லாத நிலம், வீடுகள் என எதுவாக இருந்தாலும் ஆகஸ்டு 14-ந்தேதிக்குள் டிஜிட்டல் மயமாக்கப்பட வேண்டும். அத்துடன் நில ஆவணங்களுடன் நில உரிமையாளரின் ஆதார் எண்ணை இணைக்க வேண்டும்.

அப்படி இணைக்கப்படாத நில ஆவணங்கள் பினாமி பரிமாற்ற (தடுப்பு) திருத்த சட்டத்தின் கீழ் நடவடிக்கைக்கு உட்பட்டதாக கருதப்படும்.