கோதுமை வெங்காய சீரக தோசை

தேவையான பொருட்கள் : 

கோதுமை மாவு - முக்கால் கப், 

அரிசி மாவு - கால் கப், 

சீரகம் - அரை டீஸ்பூன், 

புளித்த மோர் - கால் கப், 

வெங்காயம் - ஒன்று, 

இஞ்சி - சிறு துண்டு,  

பச்சை மிளகாய் - ஒன்று, 

கொத்தமல்லி - சிறிதளவு, 

எண்ணெய், உப்பு - தேவையான அளவு.

செய்முறை : 

வெங்காயம், ப.மிளகாய், இஞ்சி, கொத்தமல்லியை பொடியாக நறுக்கி கொள்ளவும்.

ஒரு பாத்திரத்தில் கோதுமை மாவு, அரிசி மாவை போட்டு அதனுடன் புளித்த மோர், சீரகம், உப்பு, பொடியாக நறுக்கிய வெங்காயம், இஞ்சி, பச்சை மிளகாய், கொத்தமல்லி சேர்த்து, தண்ணீர் சேர்த்து தோசை மாவு பதத்தில் கரைத்து கொள்ளவும். 

அடுப்பில் குழிவான நான்ஸ்டிக் தவாவை காயவிட்டு, ஒரு கரண்டி மாவை விளிம்பிலிருந்து நடுவாக ஊற்றி, இடைவெளியை மாவால் பரத்தி, ஒரு டீஸ்பூன் எண்ணெயை சுற்றிலும் விடவும். 

தோசை சிவந்ததும் எடுத்து சட்னியுடன் பரிமாறவும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.