கொண்டைக்கடலை - ஃப்ரூட்ஸ் சாலட்

தேவையான பொருட்கள் :

ஆப்பிள் - 1

பேரிக்காய் - 1

கொய்யா - 1

கொட்டை இல்லாத திராட்சை - அரை கப்

காய்ந்த திராட்சை - 1 டீஸ்பூன்

நட்ஸ் - 2 டீஸ்பூன்

வெள்ளை கொண்டைக்கடலை - 1 கப்

உப்பு - சுவைக்கு

சாட் மசாலா தூள் - கால் டீஸ்பூன்

எலுமிச்சை சாறு - அரை டீஸ்பூன்

செய்முறை :

வெள்ளை கொண்டைக்கடலையை இரவு முழுவதும் ஊறவைத்து காலையில் சிறிது உப்பு சேர்த்து வேகவைத்து கொள்ளவும்.

ஆப்பிள், பேரிக்காய், கொய்யாவை சிறிய துண்டுகளாக நறுக்கி கொள்ளவும்.

திராட்சையை துண்டுகளாக வெட்டிக்கொள்ளவும்.

ஒரு பாத்திரத்தில் வேக வைத்த கொண்டைக்கடலை, நறுக்கிய ஆப்பிள், பேரிக்காய், கொய்யா, திராட்சை, காய்ந்த திராட்சை, நட்ஸ், எலுமிச்சை சாறு சேர்த்து நன்றாக கலக்கவும்.

கடைசியாக அதில் சாட் மசாலா தூள் தூவி பரிமாறவும்.

சூப்பரான கொண்டைக்கடலை - ஃப்ரூட்ஸ் சாலட் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.