ஊட்டச்சத்துக்கள் நிறைந்த பூசணிக்காய் பச்சடி

தேவையான பொருட்கள் :

பூசணிக்காய் - 1 துண்டு

தயிர் - அரை கப்

பச்சை மிளகாய் - 2

தேங்காய் துருவல் - கால் கப்

கடுகு, உளுத்தம்பருப்பு - சிறிதளவு

கறிவேப்பிலை, கொத்தமல்லித்தழை - சிறிதளவு

பெருங்காயத்தூள் - சிறிதளவு

எண்ணெய், உப்பு -தேவைக்கு

செய்முறை:

பூசணிக்காயை தோல் நீக்கி துருவிக்கொள்ளவும்.

கொத்தமல்லியை பொடியாக நறுக்கி கொள்ளவும்.

ப.மிளகாயை அரைத்து கொள்ளவும்.

வாணலியில் சிறிதளவு நீர் ஊற்றி பூசணிக்காயை வேகவைத்துக்கொள்ளவும்.

நன்கு வெந்ததும் மிளகாய், உப்பு சேர்த்து கிளறவும்.

மற்றொரு வாணலியில் எண்ணெய் ஊற்றி அது சூடானதும் கடுகு, உளுத்தம்பருப்பு, கறிவேப்பிலை, பெருங்காயத்தூள் ஆகியவற்றை சேர்த்து தாளித்து வெந்து கொண்டிருக்கும் பூசணிக்காய் கலவையில் கொட்டி கிளறி இறக்கவும்.

அது ஆறியதும் தயிர், கொத்தமல்லித்தழை, தேங்காய் துருவல் கலந்து பரிமாறவும்.

சூப்பரான பூசணிக்காய் பச்சடி ரெடி.