சத்தான ஒட்ஸ் - வெங்காய தோசை

அரிசி மாவு - ஒரு கப்
ஓட்ஸ் - 100 கிராம்
பச்சை மிளகாய் - 1
கடுகு, சீரகம் - தலா ஒரு டீஸ்பூன்
இஞ்சி - சிறிது அளவு
கொத்தமல்லி - சிறிதளவு
வெங்காயம் - 2

உப்பு, எண்ணெய் - தேவையான அளவு

கொத்தமல்லி, ப.மிளகாய், வெங்காயம், இஞ்சியை பொடியாக நறுக்கி கொள்ளவும்.

ஓட்ஸை வெறும் கடாயில் போட்டு வாசனை வரும் வரை வறுத்து ஆறியதும் பொடித்து கொள்ளவும்.

ஒரு பாத்திரத்தில் பொடித்த ஓட்ஸ், அரிசி மாவு, கொத்தமல்லி போட்டு தேவையான அளவு தண்ணீர் சேர்த்து கரைத்து கொள்ளவும்.

கடாயில் எண்ணெய் விட்டு கடுகு சேர்த்து தாளித்த பின்னர் நறுக்கிய பச்சை மிளகாய், வெங்காயம், இஞ்சி, சீரகம் சேர்த்து வதக்கி கரைத்த மாவுடன் சேர்த்து நன்றாக கலந்து கொள்ளவும்.

தோசை கல்லை அடுப்பில் வைத்து சூடானதும் மாவை தோசைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுத்து பரிமாறவும்.

சத்தான ஒட்ஸ் - வெங்காய தோசை ரெடி.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.