சுவையான சத்தான டிபன் கம்பு ரொட்டி

கம்பு மாவு - 300 கிராம்
உப்பு, எண்ணெய் - தேவையான அளவு
கடுகு - அரை ஸ்பூன்,
சீரகம் - அரை ஸ்பூன்,
ப.மிளகாய் - 2
வெங்காயம் - 2
தக்காளி - 2
கரம் மசாலா தூள் - அரை ஸ்பூன்,
கொத்தமல்லி - சிறிதளவு.

செய்முறை :

* தக்காளி, வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

* கம்பு மாவில் சிறிது உப்பு, தேவையான அளவு தண்ணீர் சேர்த்து சப்பாத்தி மாவுப் பதத்துக்குப் பிசைந்து, பதமாக இட்டு, தோசைக் கல்லில் இருபுறமும் ரொட்டி போல் சுட்டு எடுக்கவும். ஆறியதும் சிறு துண்டுகளாக நறுக்கிக்கொள்ளவும்.

* கடாயை அடுப்பில் வைத்து சூடானதும் அதில் சிறிது எண்ணெய் விட்டு கடுகு, சீரகம், பச்சை மிளகாய் போட்டு தாளித்த பின்னர் நறுக்கிய வெங்காயத்தை சேர்த்து, நன்றாக வதக்கவும்.

* வெங்காயம் பொன்னிறமாக வதங்கியதும், தக்காளி, கரம் மசாலா தூள், உப்பு சேர்த்து வாசம் போக வதக்கவும்.

* அனைத்தும் நன்றாக வதங்கியதும் அதில் நறுக்கி வைத்துள்ள கம்பு ரொட்டி துண்டுகளை சேர்த்துக் கிளறி 5 நிமிடம் கிளற கொத்தமல்லி தழை தூவி இறக்கவும்.

* சுவையான சத்தான டிபன் கம்பு ரொட்டி பிரட்டல் தயார்.