இத்தாலியன் பாஸ்தா செய்வது எப்படி?

பாஸ்தா - 500 கிராம்
வெங்காயம் - 1,
கேரட் - 1,
குடைமிளகாய் - 1
பூண்டு பேஸ்ட் - 1 1/2 டீஸ்பூன்
பச்சை மிளகாய் - 4
கொத்தமல்லி - சிறிதளவு
தக்காளி சாறு - 4 டேபிள் ஸ்பூன்
சில்லி சாஸ் - 1 டீஸ்பூன்
மிளகாய் தூள், மிளகு தூள், சீரகப் பொடி, கரம் மசாலா - தலா 1 டீஸ்பூன்

உப்பு, எண்ணெய்- தேவையான அளவு

வெங்காயம், கொத்தமல்லி, குடைமிளகாய், ப.மிளகாய், கேரட்டை பொடியாக நறுக்கி கொள்ளவும்.

ஒரு பாத்திரத்தில் பாஸ்தாவை போட்டு அதனுடன் எண்ணெய் மற்றும் உப்பு சேர்த்து முக்கால் பாகம் வேக வைத்துக் கொள்ளவும்.

பின்னர் ஒரு வாணலியில் எண்ணெய் ஊற்றி காய்ந்ததும், பூண்டு பேஸ்ட் போட்டு நன்கு வதக்கியபின் வெங்காய், கேரட், குடைமிளகாய் சேர்த்து வதக்கவும்.

காய்கள் நன்கு வெந்ததும் தக்காளி சாறு, சில்லி சாஸ், மிளகாய் தூள், மிளகு தூள், சீரகப் பொடி, கரம் மசாலா சேர்த்து நன்றாக வதக்கவும்.

மசாலா பச்சை வாசனை போனபின்னர் இதில் பாஸ்தாவை போட்டு கிளறிவிடவும்.

இதன்மேல் கொத்தமல்லிக்தழை தூவி இறக்கினால் சுவையான இத்தாலியன் பாஸ்தா ரெடி!!!

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.