மனைவியுடன் அனுசரித்து செல்ல விரும்புகிறவர்கள், ‘நீ கோபத்தில் கூட அழகாக இருக்கிறாய்?’ என்பது போன்ற வார்த்தைகளை உச்சரிக்கலாம். அது அவர்களுடைய கோபத்தின் வீரியத்தை குறைத்துவிடும். கோபத்தை கட்டுப்படுத்த முடியாமல் திட்டியிருந்தாலும், ‘நடந்தது எதையும் மனதில் வைத்துக்கொள்ளாதே. மறந்துவிடு’ என்று அமைதிப்படுத்த வேண்டும். ஒருபோதும் சண்டை போடும் எண்ணத்தில் வார்த்தை பிரயோகம் செய்யக்கூடாது.
கோபத்தில் சண்டை எழும்போதெல்லாம் பழைய கசப்பான சம்பவங்கள் நினைவுக்கு வந்து போகும். அது பிரச்சினையை பெரிதுபடுத்துவதற்கு அச்சாரமிடும். அதற்கு இடம் கொடுக்காமல் சில நிமிடங்கள் அமைதி காத்தால் மனம் அமைதியாகிவிடும். ஆத்திரத்தை வெளிப்படுத்தும் வார்த்தைகளை துணை உச்சரித்தாலும் அதனை மனதுக்குள் வைத்துக்கொள்ளாமல் சகிப்பு தன்மையுடன் இருந்துவிட வேண்டும். மனைவி பேசிய வார்த்தைகளை மீண்டும் நினைவுபடுத்தி பார்க்கவும் முயற்சிக்கக்கூடாது.