தெலுங்கு திரையுலகில் முன்னணி நடிகராக இருப்பவர் கார்த்திகேயா. இவர் அஜித் நடிப்பில் உருவாகி வரும் வலிமை படத்தில் வில்லனாக நடிக்கிறார். இப்படத்தின் மூலம் அவர் தமிழ் திரையுலகில் அறிமுகமாக உள்ளார்.
இதனிடையே வலிமை படத்தின் மோஷன் போஸ்டர் இன்று மாலை 6 மணிக்கு வெளியாக உள்ளதாக சமூக வலைதளங்களில் தகவல் பரவி வந்தது. இருப்பினும் இதுகுறித்து வலிமை படக்குழுவினர் எந்தவித அறிவிப்பும் வெளியிடாததால் அஜித் ரசிகர்கள் குழம்பிப்போய் இருந்தனர்.
நடிகர் கார்த்திகேயாவின் டுவிட்டர் பதிவு
இந்நிலையில், அவர்களின் குழப்பத்தை போக்கும் வகையில், வலிமை பட வில்லன் கார்த்திகேயா தனது டுவிட்டர் பக்கத்தில், இன்று மாலை 6 மணிக்கு சர்ப்ரைஸ் இருக்கிறது என பதிவிட்டுள்ளார். இதனால் உற்சாகத்தில் திளைத்துப் போன ரசிகர்கள், கொண்டாட்டத்துக்கு தயாராகி வருகின்றனர்.
