ஹாலிவுட் படங்களை போன்று தமிழிலும் இரண்டாம் பாகம் படங்கள் அதிகம் வந்துள்ளன. எந்திரன், பில்லா, சாமி, வேலையில்லா பட்டதாரி, அரண்மனை, சாமி, சண்டக்கோழி, உள்ளிட்ட பல படங்களின் இரண்டாம் பாகங்கள் வந்துள்ளன. காஞ்சனா, சிங்கம் ஆகிய படங்கள் 3 பாகங்களாக வந்தன.
இந்நிலையில், விஜய் சேதுபதி நடிப்பில் வெளியாகி நல்ல வரவேற்பை பெற்ற சூது கவ்வும் படத்தின் இரண்டாம் பாகமும் உருவாகி வருகிறது. இப்படத்தை சிவி குமார் தயாரிக்கிறார். முதல் பாகத்தை இயக்கிய நலன் குமாரசாமி இப்படத்தை இயக்கவில்லையாம். அவருக்கு பதிலாக யங் மங் சங் படத்தை இயக்கிய அர்ஜுன் இப்படத்தை இயக்க உள்ளதாக கூறப்படுகிறது.
அதேபோல் விஜய் சேதுபதி நடித்த கதாபாத்திரத்தில் நடிகர் சத்யராஜ் நடிக்க உள்ளதாக தகவல் வெளியாகி உள்ளது. இப்படம் குறித்த அதிகாரப்பூர்வ அறிவிப்பு விரைவில் வெளியாகக்கூடும் என எதிர்பார்க்கப்படுகிறது.
