அஜித்தின் வாலி, விஜய்யுடன் குஷி என பல்வேறு வெற்றிப் படங்களை இயக்கிய எஸ்.ஜே.சூர்யா, தற்போது நடிப்பில் கவனம் செலுத்தி வருகிறார். இவர் கைவசம் மாநாடு, டான், பொம்மை, கடமையை செய், இறவாக்காலம் போன்ற படங்கள் உள்ளன. இவற்றுள் மாநாடு, பொம்மை போன்ற படங்கள் படப்பிடிப்பு முடிந்து ரிலீசுக்கு தயாராகி வருகின்றன.
எஸ்.ஜே.சூர்யா
இந்நிலையில், எஸ்.ஜே.சூர்யா புதிதாக வெப் தொடர் ஒன்றில் நடிக்க ஒப்பந்தமாகி உள்ளார். கிரைம் திரில்லர் பாணியில் உருவாகும் இந்த வெப் தொடரை விஜய் ஆண்டனியின் ‘கொலைகாரன்’ படத்தை இயக்கிய ஆண்ட்ரூ லூயிஸ் இயக்க உள்ளார். இதன் படப்பிடிப்பை ஆகஸ்ட் மாதத்தில் தொடங்க உள்ளார்களாம். தற்போது இதர நடிகர், நடிகைகள் தேர்வு நடைபெற்று வருகிறது.
