விஜய் சேதுபதி பட இயக்குனருடன் இணையும் சசிகுமார்

விஜய் சேதுபதி, ஐஸ்வர்யா ராஜேஷ் நடிப்பில் கடந்தாண்டு வெளியான படம் க.பெ.ரணசிங்கம். அறிமுக இயக்குனர் விருமாண்டி இயக்கி இருந்தார். கொரோனா அச்சுறுத்தல் காரணமாக திரையரங்குகள் மூடப்பட்டதால் இப்படத்தை நேரடியாக ஓடிடி-யில் வெளியிட்டனர். விமர்சன ரீதியாக இப்படம் நல்ல வரவேற்பை பெற்றது. திரைப் பிரபலங்கள் பலரும் படக்குழுவினருக்கு பாராட்டு தெரிவித்தனர்.

இந்நிலையில், விருமாண்டி இயக்கும் அடுத்த படம் குறித்த தகவல் வெளியாகி உள்ளது. அதன்படி அப்படத்தில் சசிகுமார் நாயகனாக நடிக்க உள்ளதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகக்கூடும் என எதிர்பார்க்கப்படுகிறது. 

நடிகர் சசிகுமார் கைவசம் கொம்பு வச்ச சிங்கம்டா, எம்ஜிஆர் மகன், ராஜவம்சம், பகைவனுக்கு அருள்வாய், முந்தானை முடிச்சு 2, நாநா போன்ற படங்கள் உள்ளது குறிப்பிடத்தக்கது.