தமிழில் அழகிய தீயே, சிதம்பரத்தில் ஒரு அப்பாசாமி, பாச கிளிகள், மாயக்கண்ணாடி உள்ளிட்ட படங்களில் நடித்தவர் நவ்யா நாயர். இவர் மலையாளத்திலும் அதிக படங்களில் நடித்து இருக்கிறார். 2010-ல் சந்தோஷ் மேனன் என்பவரை திருமணம் செய்து கொண்டார். நவ்யா நாயர் நடித்து கடைசியாக 2014-ல் திரிஷ்யா என்ற கன்னட படம் வெளியானது.
தற்போது நவ்யா நாயர் மீண்டும் நடிக்க உள்ளார். பி.வாசு இயக்கத்தில் கன்னடத்தில் தயாராகும் மலையாள படமான திரிஷ்யம் 2-ம் பாகத்தின் ரீமேக்கில் ரவிச்சந்திரனுடன் இணைந்து நடிக்கிறார். திரிஷ்யம் 2 மலையாளப் படம் சமீபத்தில் ஓடிடி தளத்தில் வெளியாகி ரசிகர்களிடையே நல்ல வரவேற்பு பெற்றது.