‘மெட்டி ஒலி’ தொடரில் விஜி என்கிற கதாபாத்திரத்தில் நடித்ததன் மூலம் பிரபலமானவர் நடிகை உமா மகேஸ்வரி. கடந்த சில நாட்களாகவே உடல்நலக்குறைவால் பாதிக்கப்பட்டிருந்த அவர், இன்று உயிரிழந்தார். அவருக்கு வயது 40.
மெட்டி ஒலி, ஒரு கதையின் கதை, மஞ்சள் மகிமை உள்ளிட்ட தொடர்களில் நடித்துள்ள உமா மகேஸ்வரி, ‘வெற்றிக் கொடிகட்டு’, ‘அல்லி அர்ஜுனா’ உள்ளிட்ட படங்களிலும் முக்கிய கதாபாத்திரங்களில் நடித்துள்ளார். இவருடைய கணவர் முருகன், கால்நடை மருத்துவராக இருக்கிறார். நடிகை உமா மகேஸ்வரி, திருமணத்துக்குப் பிறகு நடிப்புக்கு முழுக்கு போட்டார்.
உமா மகேஸ்வரி
அவரது திடீர் மறைவு சின்னத்திரையுலகினரிடையே பெரும் சோகத்தை ஏற்படுத்தி உள்ளது. நடிகை உமா மகேஸ்வரியின் மறைவுக்கு ரசிகர்களும், பிரபலங்களும் இரங்கல் தெரிவித்து வருகின்றனர்.
