படம் பற்றி இயக்குனர் கூறியதாவது, ’தேனி மாவட்டம் குரங்கணி மலைப்பகுதியில் பெரும்பாலான படப்பிடிப்பு நடந்தது. கதாநாயகனின் தொழில் தேன் எடுப்பது. சில தடைகளை மீறி அவர் கதாநாயகியை திருமணம் செய்கிறார். அதன் பிறகு அவர்கள் வாழ்க்கை எப்படி மாறியது என்பதை உணர்வுபூர்வமாக கூறியிருக்கிறோம்.
ஆர்யாவின் எங்க வீட்டு மாப்பிள்ளை நிகழ்ச்சி மூலமாக பிரபலமான அபர்ணதி மலைவாழ் பெண்ணாக நடித்துள்ளார். நம் நாட்டில் நடந்த உண்மை சம்பவம் ஒன்றின் அடிப்படையில் இந்த கதை உருவாக்கப்பட்டுள்ளது. மைனா படத்துக்கு ஒளிப்பதிவு செய்த சுகுமார் ஒளிப்பதிவு செய்துள்ளார். இவ்வாறு அவர் கூறினார்.
