ரசிகர்களுடன் சீமராஜா படத்தை பார்த்த சிவகார்த்திகேயன்

சிவகார்த்திகேயன் நடிப்பில் சீமராஜா படம் இன்று ரிலீசாகி இருக்கிறது. படத்திற்கு இதுவரை ஓரளவு பாசிட்டிவான விமர்சனங்களே வந்த வண்ணமாக உள்ளன. படத்தில் சிவகார்த்திகேயன் அரச குடும்பத்தை சேர்ந்தவராக நடித்திருக்கிறார்.

சிவகார்த்திகேயன் ஜோடியாக முதல்முறைாயக சமந்தா நடித்திருக்கிறார். கீர்த்தி சுரேஷ் சிறப்பு தோற்றத்தில் நடித்திருக்கிறார். சிம்ரன், லால் வில்லத் தனத்தில் மிரட்டியிருக்கின்றனர்.

பொன்ராம் இயக்க சிவகார்த்திகேயன், சூரி, டி.இமான், பாலசுப்ரமணியம், விவேக் ஹர்ஷன் மூன்றாவது முறையாக இணைந்துள்ளதால் இந்த படத்தின் மீதான எதிர்பார்ப்பு அதிகரித்திருந்தது. அந்த வகையில் டி.இமான் இசையில் பாடல்களுக்கும், பின்னணி இசைக்கும் நல்ல வரவேற்பு கிடைத்துள்ளது. ஒளிப்பதிவும் பிரம்மாண்டமாக உணர வைக்கிறது.

படம் இன்று ரிலீசாகிய நிலையில், நடிகர் சிவகார்த்திகேயன் குரோம்பேட்டையில் உள்ள பிரபல திரையரங்கு ஒன்றில் ரசிகர்களுடன் படத்தை பார்த்து ரசித்தார். படம் பார்த்த பிறகு செய்தியாளர்களை சந்தித்த சிவகார்த்திகேயன் பேசியதாவது, படம் முழுவதையும் ரசிகர்களுடம் இணைந்து பார்த்தேன். நல்ல வரவேற்பு இருக்கிறது. இதில் வரலாறு அதாவது 14-ஆம் நூற்றாண்டு சம்பந்தப்பட்ட கதை ஒன்று உள்ளது. அந்த காட்சிக்கு நல்ல வரவேற்பு உள்ளது. அனைவருக்கும் நன்றி. குடும்பத்துடன் பார்க்கும் படமாக சீமராஜா இருக்கும். #Seemaraja #Sivakarthikeyan #Samantha