பிரசாத் பிக்சர்ஸ் பட நிறுவனம் சார்பில் பி.வி.பிரசாத் தயாரித்து, இயக்கி, நாயகனாக நடிக்கும் படம் ‘சகுந்தலாவின் காதலன்’.
இதில் நாயகியாக பானு நடிக்கிறார். இவர்களுடன் கருணாஸ், சுமன், பசுபதி, நான் கடவுள் ராஜேந்திரன், ஜெகன், ராஜ்கபூர், மனோபாலா, மனோ சித்ரா, ஜார்ஜ், நிப்பு, ஆகியோர் நடிக்கிறார்கள்.
ஒளிப்பதிவு - ராசாமதி, வசனம் - ஆ.வெண்ணிலா, கலை - சகு, நடனம் - பாபி ஆண்டனி , ஸ்டண்ட் - சுப்ரீம் சுந்தர், ஆக்ஷன் பிரகாஷ், எடிட்டிங் - வி.டி.விஜயன், என்.கணேஷ் குமார்.
கதை, திரைக்கதை, பாடல்கள், இசை, தயாரிப்பு, இயக்கம் - பி.வி.பிரசாத். இவர் காதலில் விழுந்தேன் படத்தை இயக்கியவர்.
படம் பற்றி கூறிய அவர்... ‘“காதலில் விழுந்தேன்’ போல சகுந்தலாவின் காதலன் படம் வெற்றி பெறும். இந்தபடத்தில் இசையமைப்பாளர் என்கிற கூடுதல் பொறுப்பையும் நான் ஏற்றிருக்கிறேன். காதலில் விழுந்தேன் படத்தில் நகுல் கதாபாத்திரம் எப்படி பேசப்பட்டதோ அதைப் போல இதில் ஹரி கிருஷ்ணன் என்கிற என் கதாபாத்திரம் வித்தியாசமாக உணரப்படும்.
ஒரே வீட்டில் காந்தியும் ஹிட்லரும் இருந்தால் எப்படி இருக்கும் என்கிற கற்பனை திரை வடிவமே இந்தபடம்.
காந்தி தனது பக்கம் ஹிட்லரை இழுக்க முயற்சிப்பதும் ஹிட்லர் தனது பக்கம் காந்தியை இழுக்க முயற்சிப்பதும் தான் கதை. இந்த கதையை ஐந்து கோணங்களில் ஐந்து சம்பவங்களில் உள்ளடக்கி சொல்லி உள்ளோம். சென்னை, ஹைதராபாத், ராஜமுந்திரி, செங்கல்பட்டு, பாண்டிச்சேரி போன்ற இடங்களில் படப்பிடிப்பு நடந்துள்ளது” என்றார்.
