தர்பாருக்கு அடுத்ததாக ரஜினி நடிக்கும் படத்தை சிவா இயக்குகிறார். இது ரஜினியின் 168-வது படமாகும். வீரம், வேதாளம், விவேகம் ஆகிய படங்களை தொடர்ந்து நான்காவது முறையாக அஜித் நடித்த விஸ்வாசம் படத்தை சிவா இயக்கினார். அந்த படத்துக்காக ரஜினி அவரை அழைத்து பாராட்டினார்.
அதை தொடர்ந்து இருவரும் இணைவது உறுதியானது. தலைவர் 168 என்று தற்காலிகமாக குறிப்பிடப்படும் இப்படத்துக்கு இமான் இசையமைக்கிறார். குஷ்பு, மீனா, கீர்த்தி சுரேஷ், பிரகாஷ் ராஜ், சூரி, சதீஷ் உள்ளிட்டோர் நடிக்கிறார்கள்.
கடந்த வாரம் பூஜை நடைபெற்ற நிலையில் இப்படத்தின் படப்பிடிப்பு இன்று ஐதராபாத்தில் உள்ள ராமோஜி ராவ் பிலிம் சிட்டியில் தொடங்கியது. இந்த படப்பிடிப்பில் ரஜினியுடன் எடுத்த புகைப்படத்தை இசையமைப்பாளர் இமான் வெளியிட்டிருக்கிறார்.
