குறிப்பிட்ட மதத்தினர் அன்றாடம் காலை ஒலிப்பெருக்கி மூலம் வழிபாடு நடத்துவது பற்றி பின்னணி பாடகர் சோனு நிகம், சமீபத்தில் டுவிட்டரில் ஆட்சேபனைக்குரிய கருத்து தெரிவித்தார். இதனால், அந்த மத தலைவர் ஒருவர், சோனு நிகமுக்கு கண்டனம் தெரிவித்ததுடன், அவரது தலையை மொட்டையடிப்பவருக்கு தக்க சன்மானம் அளிக்கப்படும் என்றும் பகிரங்கமாக அறிவித்தார்.
இதைத்தொடர்ந்து, சிகை அலங்கார நிபுணரை வரவழைத்து சோனு நிகமே தனது தலையை மொட்டையடித்து கொண்டு, அந்த மத தலைவருக்கு பதிலடி கொடுத்தார். இந்த நிலையில், டுவிட்டரில் இருந்து முழுவதுமாக விலகி கொள்வதாக சோனு நிகம் நேற்று திடீரென அறிவித்தார். இந்த முடிவை மிகவும் விரக்தியுடனும், ஏமாற்றத்துடனும் எடுத்திருப்பதாக அவர் குறிப்பிட்டுள்ளார்.
