இயக்குனர் கார்த்திக் நரேன் சமீபத்தில் இயக்கி வெளியான திரைப்படம் 'நிறங்கள் மூன்று'. இதில் நடிகர் அதர்வா முரளி, சரத்குமார், ரகுமான் ஆகியோர் முக்கிய கதாபாத்திரங்களில் நடித்துள்ளனர்.
ஹைப்பர்லிங்க் திரில்லர் கதையம்சம் கொண்ட திரைப்படமாக இந்த படம் உருவாகியுள்ளது. இந்த திரைப்படத்திற்கு இசையமைப்பாளர் ஜேக்ஸ் பிஜோய் இசையமைத்துள்ளார். சுஜித் சாரங்கின் உதவியாளர் டிஜோ டாமி ஒளிப்பதிவு செய்துள்ளார்.
திரைப்படம் கடந்த நவம்பர் 22 ஆம் தேதி வெளியாகி மக்களிடையே நல்ல வரவேற்பை பெற்றது. அதர்வா ஒரு இயக்குனராகும் முயற்சியில் ஈடுப்பட்டு வருகிறார். சரத்குமார் காவல் அதிகாரி கதாப்பாத்திரத்திலும் ரகுமான் ஒரு பள்ளி ஆசிரியர் கதாப்பாத்திரத்தில் நடித்துள்ளனர்.
தற்பொழுது படத்தின் ஓடிடி ரிலீஸ் குறித்து படக்குழு அறிவித்துள்ளது. திரைப்படம் வரும் 20 ஆம் தேதி ஓடிடி தளமான அமேசான் பிரைம், ஆஹா மற்றும் சிம்பிலி சவுத் ஆகியவற்றில் வெளியாகவுள்ளாது. திரையரங்கில் இப்படத்தை காண தவறவிட்டவர்கள் இந்த வாய்ப்பை பயன்படுத்திக்கொள்ளுமாறு கேட்டுக்கொள்கிறோம்.
