இந்த படத்துக்கு கதை, திரைக்கதை எழுதி, இயக்கிய ஆகாஷ் சுதாகர் புதுமுக நாயகனாகவும் அறிமுகமாகிறார். கதாநாயகியாக புதுமுகம் மகாலட்சுமி நடிக்கிறார். இவர்களுடன் நெல்லை சிவா, போண்டா மணி, கிங்காங், கிளிமூக்கு ராமசந்திரன் உள்பட பலர் நடித்துள்ளனர்.
ஒளிப்பதிவு - சரவணன், இசை - சார்லஸ் தனா, பாடல்கள் - ஆகாஷ் சுதாகர், படத்தொகுப்பு - சி.கணேஷ்குமார், கதை, திரைக்கதை, இயக்கம் - ஆகாஷ் சுதாகர். படம் பற்றிய இயக்குனர் கூறுகிறார்...
“பாலியல் வன் கொடுமைக்கு எதிராக இந்த படம் உருவாக்கப்பட்டுள்ளது. ஒரு ஊரில் முக்கிய நான்கு பேரால் ஒரு பெண் கெடுக்கப்படுகிறாள். அந்த பெண்ணின் நிலைமை என்ன? அந்த நான்கு பேர் என்ன ஆனார்கள்? என்பதுதான் இந்த படத்தின் கதை.”
இந்த படத்தின் இசை வெளியீட்டு விழா சென்னையில் நடந்தது. இதில் சிறப்பு விருந்தினர்களாக டிராபிக் ராமசாமி, ஜாக்குவார் தங்கம் உள்பட பலர் கலந்து கொண்டனர்.
