கஜினிகாந்த்

இதில் ஆர்யா நாயகனாக நடிக்கிறார். இவருடைய ஜோடியாக ‘வனமகன்’ சாயிஷா நடிக்கிறார். இவர்களுடன் முன்னணி நடிகர் - நடிகைகள் நடிக்கிறார்கள்.

பாலமுரளிபாலு இசை அமைக்கும் இந்த படத்துக்கு பல்லு ஒளிப்பதிவு செய்கிறார். படத்தொகுப்பு - பிரசன்னா ஜி.கே, கலை - கோபி ஆனந்த்.

இயக்கம் - சந்தோஷ் பி.ஜெயக்குமார். ‘ஹரஹர மகாதேவகி’, ‘இருட்டு அறையில் முரட்டுக்குத்து’ படங்களை தொடர்ந்து இந்த படத்தை இவர் இயக்குகிறார்.

சூர்யா நடிப்பில் மிகப்பெரிய வெற்றி பெற்ற ‘கஜினி’ படத்தின் பெயரையும் ரஜினியின் பெயரில் இடம் பெற்றுள்ள காந்த்தையும் இணைத்து இந்த படத்துக்கு ‘கஜினிகாந்த்’ என்று பெயர் சூட்டி உள்ளனர்.

“இது குடும்ப சென்டிமென்ட், காமெடி கலந்த படமாக உருவாகிறது. ஆர்யா இதுவரை நடித்துள்ள படங்களில் இருந்து முற்றிலும் வேறுபட்ட கதாபாத்திரத்தில் நடிக்கிறார். இது ஆர்யாவுக்கு பெயர் சொல்லும் படமாக இருக்கும். அதற்கு ஏற்ப புதிய கோணத்தில் திரைக்கதை அமைக்கப்பட்டுள்ளது. நிச்சயம் ‘கஜினிகாந்த்’ ரசிகர்களை கவரும்” என்று படக்குழுவினர் தெரிவித்தனர்.

இந்த படத்தின் தொடக்க விழா பூஜை சென்னையில் நடந்தது. படப்பிடிப்பு விரைவில் தொடங்குகிறது.