மோகன் ஜி இயக்கத்தில் வெளியாகி நல்ல வரவேற்பை பெற்றுவரும் திரைப்படம் திரெளபதி. ரிச்சர்டு நாயகனாக நடித்திருந்த இப்படம் நாடக காதல், ஆணவக்கொலைகளை மையப்படுத்தி எடுக்கப்பட்டிருந்தது. பல்வேறு தடைகளை கடந்து வெளியான இப்படம் வசூலிலும் பல்வேறு சாதனைகளை படைத்து வருகிறது.
இதனிடையே, தனது அடுத்த படத்தின் தலைப்பும் கடவுள் பெயராக தான் இருக்கும் என கடந்த சில தினங்களுக்கு முன்னர் அப்படத்தின் இயக்குனர் மோகன் ஜி அறிவித்திருந்தார்.
இந்நிலையில், தனது அடுத்த படத்திலும் ரிச்சர்டு தான் நாயகன் என்று கூறியுள்ளார் இயக்குநர் மோகன் ஜி. இது தொடர்பாக அவர் டுவிட்டரில் பதிவிட்டுள்ளதாவது: எனது அடுத்த சர்ஜிக்கல் ஸ்ட்ரைக் நடிகர் ரிச்சர்டை வைத்து தான் என குறிப்பிட்டுள்ளார். மேலும் படத்தின் டைட்டிலை விரைவில் ஒரு நல்ல நாளில் அறிவிக்கப்படும் என தெரிவித்துள்ளார்.
