'இயற்கை' படத்தின் மூலம் தமிழ்த் திரையுலகில் அறிமுகமாகி கவனம் பெற்றவர் குட்டி ராதிகா. 2006-ஆம் ஆண்டுக்குப் பின் தமிழ் சினிமாவில் இருந்து ஒதுங்கியவர், தற்போது 13 ஆண்டுகால இடைவெளிக்கு பின் 'தமயந்தி' என்ற படத்தின் மூலம் தமிழுக்கு மீண்டும் திரும்புகிறார். இயக்குநர் நவரசன் இயக்கத்தில் உருவாகியுள்ள இப்படத்தில் குட்டி ராதிகா அகோரி கதாபாத்திரத்தில் நடிக்கிறார்.
மேலும் பஜராங்கி லோகி, ஷரன் உல்தி, சாது கோகிலா, மித்ரா, பவன் உள்ளிட்ட பலர் முக்கிய கதாபாத்திரத்தில் நடித்துள்ளனர். இதற்கு முன்னதாக அனுஷ்காவின் நடிப்பில் வந்த அருந்ததி படத்தை மிஞ்சும் வகையில் இப்படத்தின் காட்சிகளும், வசனங்களும் உருவாக்கப்பட்டுள்ளது.
