பிக்பாஸ் தமிழ் 6-வது சீசன் கடந்த அக்டோபர் 9-ஆம் தேதி கோலாகலமாக தொடங்கி, தற்போது விறுவிறுப்பாக நடைபெற்று வருகிறது. இந்நிகழ்ச்சியில் தற்போதுவரை சாந்தி, ஜி.பி. முத்து, அசல், ஷெரினா, மகேஷ்வரி, நிவாஷினி, ராபர்ட் மாஸ்டர், குயின்சி, ஆயிஷா, ராம், ஜனனி, தனலட்சுமி, மணிகண்டன், ரக்ஷிதா, ஏடிகே, கதிர், அமுதவாணன் ஆகியோர் வீட்டை விட்டு வெளியேறியுள்ளனர். இதில் தற்போது 4 நபர்கள் வீட்டினுள் இருக்கின்றனர். பிக்பாஸ் நிகழ்ச்சி இன்றுடன் 104 நாட்களை நெருங்கியுள்ளது.
பிக்பாஸ் சீசன் 6
இந்நிலையில், இன்று வெளியான இரண்டாவது புரோமோவில், கடந்த பிக்பாஸ் சீசனின் போட்டியாளர் கவின் வீட்டிற்குள் நுழைகிறார். அப்போது ஜாலியா வாங்க அப்பறம் ஜாலியா எல்லாத்தையும் பார்த்துக்கலாம் என்று தற்போதைய போட்டியாளர்களுக்கு அறிவுரை கூறுகிறார். அப்போது பேசிய பிக்பாஸ் கவின் உங்களுக்கும் பெட்டிக்கும் என்ன ராசினு தெரியல நேத்து பெட்டி போச்சு இன்னைக்கு நீங்க வந்துருக்கீங்க என்று ஜாலியாக கலாய்த்து பேசினார். இந்த வீடியோ சமூக வலைதளத்தில் வைரலாகி வருகிறது.
