குஷ்பு சுந்தர் தயாரிப்பில், கடந்த 2017-ம் ஆண்டு ஹிப் ஹாப் ஆதி இயக்கி, நடித்திருந்த படம் ‘மீசைய முறுக்கு’. இப்படம் ரசிகர்களிடையே நல்ல வரவேற்பைப் பெற்றது. தற்போது இப்படத்தின் இரண்டாவது பாகம் எடுக்கப்பட்டுள்ளது. முதல் பாகத்தைப் போலவே இதையும் ஹிப்ஹாப் தமிழா ஆதியே இயக்கி, இசையமைத்துள்ளார்.
இப்படத்தையும் குஷ்பு சுந்தரின் அவ்னி மூவிஸ் மற்றும் ஏ.சி.எஸ் அருண்குமாரின் பென்ஸ் மீடியா இணைந்து தயாரித்துள்ளன. இப்படத்தில் ஆதியுடன் இணைந்து பிரபல யூடியூபர் ஹர்ஷத் கான், சைத்ரா ஜே. ஆச்சார், கேத்திகா சர்மா, ரம்யா ரங்கநாதன், நாசர், கருணாஸ், ஷா ரா மற்றும் ஆடுகளம் நரேன் ஆகியோர் நடித்துள்ளனர்.
இப்படத்தின் கதை, தற்காலம் மற்றும் 80-கள் என இரண்டு காலகட்டங்களில் நடப்பதாக அமைக்கப்பட்டுள்ளது.
இப்படத்தின் ஃபர்ஸ்ட் லுக், டீசர் மற்றும் படத்தில் இடம்பெற்றுள்ள 2 பாடல்கள் ஆகியவை வெளியாகி ரசிகர்களின் கவனத்தை பெற்றது. இந்த நிலையில் ‘மீசைய முறுக்கு2’ படத்தின் மூன்றாவது பாடல் நாளை வெளியாகும் என அறிவிக்கப்பட்டுள்ளது. 90-களில் கல்லூரி கானா பாடலான ‘Goindhamma’ பாடல் நாளை வெளியாவது தொடர்பான ப்ரோமோ வீடியோ வெளியிடப்பட்டுள்ளது.
