புதுமுகங்கள் அஜய் கதாநாயகனாகவும், கோபிகா நாயகியாகவும் நடிக்கிறார்கள். இவர்களுடன் யோகிபாபு, உமாஸ்ரீ, அழகு, சூரியகாந்த், சேரன்ராஜ், பரதேசி பாஸ்கர் ஆகியோர் நடிக்கிறார்கள். இசை - கணேஷ் ராகவேந்திரா, ஒளிப்பதிவு - அறிவழகன், நடனம் - பாபி ஆண்டனி, பாடல்கள் - யுகபாரதி, மோகன் ராஜ், தயாரிப்பு - சக்திவேல், எழுத்து, இயக்கம் - ஹரி கிருஷ்ணா.
படம் பற்றி இயக்குனரிடம் கேட்ட போது....
“இது இன்றைய கால கட்டத்தைப் பற்றிய படம் இல்லை. சுமார் 900 வருடங்களுக்கு முன்பு வாழ்ந்த ஆதி வாசிகள் பற்றிய படம். ஆறாவது அறிவில் வேறுபட்டு வாழும் மனிதர்களைப் பற்றி கதை நகர்வதால் ‘ஆறாம் வேற்றுமை’ என பெயர் வைத்தோம். மூன்று மலைகளில் வாழும் மூன்று விதமான மக்களைப் பற்றிய படம் இது.
ஆறு அறிவு கொண்ட மனிதன் சிந்திக்கிறான். நாகரிக வாழ்க்கை வாழ்கிறான். அதே ஆறு அறிவு கொண்ட மனிதன் தான் காட்டுவாசிகளாகவும் வாழ்கிறான். இன்றைய அறிவியல் வளர்ச்சி எதுவும் இல்லாத காட்டுப்பகுதியை தேடிப்பிடித்தோம். பல கிலோ மீட்டர்கள் நடந்தே சென்றோம்.