ஸ்ரீ சிவகுடும்பம் பிலிம்ஸ் தயாரிக்கும் படம் ‘ஆறடி’. இதில் விஜய்ராஜ், தீபிகா ரங்கராஜ், ஜீவிதா, சாப்ளின் பாலு, பெஞ்சமின், சேலம் டி.சண்முகம், டாம் பிராங்க், சிபி பத்ரிநாத், தினேஷ், சுமதி உள்பட பலர் நடிக்கிறார்கள்.
ஒளிப்பதிவு-ஆர்.கே. விஜயன், இசை- அபி ஜோஜோ, கலை-எஸ்.நவீன் குமார், கதை, திரைக் கதை, வசனம், இணை இயக்கம்- சக்திவேல், தயாரிப்பு-எஸ். நவீன்குமார், எஸ். சுமதி, எஸ்.மோகன வேல், படத்தொகுப்பு, இயக்கம்- சந்தோஷ் குமார்.
படம் பற்றி இயக்குனரிடம் கேட்ட போது...
“எட்டு கால் பயணத்தில் மனித இனம் கடைசியாக செல்வது மயானம் தான். அந்த சூழ்நிலையும் இடமும் எவ்வாறு இருக்கும் என்பது அனைவரும் அறிந்தது தான். அப்படிப்பட்ட இடத்தில் ஒரு காதல் உதயமாகிறது.
இது வரை ஆண்கள் மட்டுமே மயானத்தில் ‘வெட்டியான்’ வேலை பார்த்து வருகிறார்கள். அதை மாற்றி மயானத்தில் ஒரு பெண் வெட்டியான் வேலை செய்தால் அதனால் சமுதாயத்தில் ஏற்படும் மாற்றங்கள் என்ன என்பதை திரைக்கதையாக்கி ‘ஆறடி’ படத்தை உருவாக்கி உள்ளோம்” என்றார்.
