கே.டி.எம். நிறுவனம் இந்தியாவில் தனது 125 டியூக் மோட்டார்சைக்கிளின் விலையை அதிகரித்திருக்கிறது. அந்த வகையில் 125 டியூக் மோட்டார்சைக்கிள் விலை ரூ.7,000 வரை அதிகரிக்கப்பட்டுள்ளது. புதிய விலை ஒவ்வொரு மாநிலத்திலும் வேறுபடுகிறது.
125 டியூக் மோட்டார்சைக்கிள் இந்தியா சந்தையில் கே.டி.எம். நிறுவனத்தின் என்ட்ரி-லெவல் மோட்டார்சைக்கிளாக இருக்கிறது. இந்தியாவில் கே.டி.எம். 125 டியூக் மோட்டார்சைக்கிள் கடந்த ஆண்டு நவம்பர் மாதம் அறிமுகம் செய்யப்பட்டது. இந்தியாவில் இதன் விலை ரூ.1.18 லட்சம் (எக்ஸ்-ஷோரூம்) என நிர்ணயம் செய்யப்பட்டிருக்கிறது.
கே.டி.எம். 125 டியூக் மோட்டார்சைக்கிளில் 124.7 சிசி லிக்விட்-கூல்டு சிங்கிள் சிலிண்டர் என்ஜின் வழங்கப்பட்டுள்ளது. இந்த என்ஜின் 14.5 பி.ஹெச்.பி. பவர், 12 என்.எம். டார்க் செயல்திறன் மற்றும் 6 ஸ்பீடு கியர்பாக்ஸ் கொண்டிருக்கிறது. இந்தியாவில் கிடைக்கும் சக்திவாய்ந்த 125 சிசி மோட்டார்சைக்கிளாக கே.டி.எம். 125 டியூக் இருக்கிறது.
கே.டி.எம். 125 டியூக் மாடலில் 10-வே அட்ஜஸ்டபிள் மோனோஷாக் சஸ்பென்ஷன் கொண்டிருக்கிறது. பிரேக்கிங்கை பொருத்தவரை முன்புறம் 300 எம்.எம். டிஸ்க் பிரேக் மற்றும் ரேடியல் 4-பிஸ்டன் கேரிப்பர்கள் வழங்கப்பட்டுள்ளன. பின்புறம் 230 எம்.எம். டிஸ்க் பிரேக் சிங்கில் பிஸ்டன் கேலிப்பர் வழங்கப்பட்டுள்ளது.
இரு பிரேக்களும் சிங்கிள் சேனல் ஏ.பி.எஸ். வசதியுடன் வருகிறது. கே.டி.எம். 125 டியூக் மோட்டார்சைக்கிளில் 17-இன்ச் அலாய் வீல்கள் வழங்கப்பட்டுள்ளன. இதன் பெட்ரோல் டேன்க் 10.2 லிட்டர் கொள்ளளவு கொண்டிருக்கிறது.